Малайзійскі Boeing 777 мог быць угнаны

foto: wikipedia

Прэм'ер-міністар Малайзіі Наджыбам Тун Разак сказаў, што Boeing 777 авіякампаніі Malasyan Airlines быў угнаны.
Да такой высновы прыйшлі сьледчыя па выніках папярэдняга сьледзтва, паведаміў прэм’ер на прэс-канфэрэнцыі.
Паводле словаў прэм'ера, да такой высновы расьследаваньне прыйшло ў сувязі з тым, што сродкі сувязі на самалёце былі выключаныя наўмысна. Разак падкрэсьліў, што сыстэма камунікацыі на самалёце была выключана да таго, як ён зьнік. Пры гэтым Разак адзначыў, што ўгон самалёта – гэта толькі асноўная вэрсія, пацьверджаньняў таго, што самалёт быў угнаны, пакуль няма.
Прэм'ер-міністар заявіў, што пошукі самалёта ў Паўднёва-Кітайскім моры завершаны. Самалёт працягнуць шукаць у іншых раёнах - у тым ліку на мяжы Туркмэністана й Казахстана і ў раёне паміж Інданэзіяй і Паўднёвай Індыяй.
У той жа час, вэрсія, што самалёт быў угнаны - па-ранейшаму не адзіная. Як паведамляюць агенцтвы са спасылкай на неназваныя крыніцы, апошнія сыгналы з самалёта спадарожнік зафіксаваў недалёка ад Аўстраліі. Адлегласьць ад Куала-Люмпур да Аўстраліі складае больш за 4 тыс. км - менавіта столькі мог бы праляцець Boeing 777 без дазапраўкі.
Самалёт, які ляцеў з Куала-Люмпур у Пэкін, зьнік 8 сакавіка. На яго борце знаходзіліся 225 пасажыраў і 14 членаў экіпажа. Сярод пасажыраў ляйнэра былі два грамадзяніны Ўкраіны й адзін расеец. Акрамя таго, вядома, што чацьвёра пасажыраў ляцелі па скрадзеных пашпартах.

ap/rbk/вс