Рэзка пагоршыўся стан здароўя Шарона

Стан здароўя былога прэм'ер-міністра Ізраіля Арыэля Шарона рэзка пагоршыўся, - пра гэта паведамілі лекары бальніцы ў Тэль–Авіве.

Шарон ужо восем гадоў ляжыць у коме, але цяпер лекары адкрыта папярэджваюць, што былы прэм'ер-міністар у бліжэйшы час можа памерці.

Арыэль Шарон ляжыць у коме з пачатку 2006 года, пасьля кровазьліцьця ў мозг. Тады ён быў падключаны да апарата штучнага дыханьня.

З траўня 2006 года ён знаходзіцца пад наглядам лекараў у шпіталі „Тэль а-Шомэр” паблізу Тэль-Авіва.

Арыэль Шарон ачольваў ізраільскі ўрад з 2001 па 2006 год. У 2005 годзе ён падпісаў распараджэньне аб эвакуацыі габрэйскіх паселішчаў з Зоны Газа.

аз