Актывістам „Greenpeace” не дазваляюць пакінуць Расею

Паляк, актывіст міжнароднай экалягічнай арганізацыі „Greenpeace”, ня можа пакінуць тэрыторыі Расеі. У выезьдзе яму адмаўляе Сьледчы камітэт. Томаш Дземянчук ужо тры месяцы знаходзіцца ў Расеі. Ён быў затрыманы за ўдзел у акцыі „Greenpeace” ля буравой плятформы канцэрну „Газпром” у Баранцавым моры.

Разам з палякам былі затрыманыя 26 іншых іншаземцаў. Першапачаткова ўсе яны сядзелі ў турме, але пасьля таго, як суд вызваліў іх пад залог, пражываюць у адным з гатэляў у Санкт-Пецярбурга.

Паколькі актывісты былі затрыманыя на міжнародных водах, у іх няма ўязных расейскіх візаў.

Цяпер бяз гэтага дакумэнта актывісты ня могуць пакінуць тэрыторыю Расеі. Хоць іхныя адвакаты ўнесьлі заявы аб выдачы візаў, то Сьледчы камітэт учора забараніў ім выезд з краіны.

Такое рашэньне было для паляка нечаканым. Актывістаў „Greeepeace” абвінавачваюць у хуліганстве. Цяпер яны чакаюць завяршэньня расьсьледаваньня й магчымага судовага працэсу.

аз