Прачнуўся вулкан Этна

На дадзены момант дзейнасьць Этны рэгіструецца толькі з дапамогай адмысловага абсталяваньня, таму што гару засланяюць воблака і дым.

Учора апоўдні зь яго біў фантан вогненнай лавы. Бліжэйшыя мясцовасьці і навакольныя палі пакрыліся вулканічным пылам. У некалькіх месцах уздоўж узьбярэжжа Іянічнага мора прайшоў дождж з пылам і град зь невялікіх кавалкаў лавы.

У горадзе Катаньня ​​зачыненыя некалькі ўзьлётна-пасадкавых палос мясцовага аэрапорту, а таксама аўтастрада Катаньня-Мэсіна.

Этна - самы буйны ўсё яшчэ актыўны вулкан у Эўропе, разьмешчаны на ўзьбярэжжы італьянскай Сыцыліі. Ён выбухае адносна часта, але ў сярэднім раз у 150 гадоў здараюцца мацнейшыя выбухі, якія наносяць шкоду людзям.

Нягледзячы на гэта, сыцылійцы селяцца на схілах вулкану, у асноўным, з-за багатай мінэраламі і мікраэлемэнтамі глебы.

эб