Варшаўская біржа зацікавіла беларусаў

Беларускія фірмы, банкі й дзяржаўныя чыноўнікі знаёмяцца з Варшаўскай біржай каштоўных папераў. У Менску пачалася канфэрэнцыя, прысьвечаная, між іншым, яе ролі для суб’ектаў з краін Усходняй Эўропы.

Канфэрэнцыя дэманструе беларускаму бізнэсу шанцы, якія для разьвіцьця дае варшаўская біржа й тлумачыць, чаму варта на яе арыентавацца.

Пакуль на Варшаўскай біржы прысутныя дзьве беларускія фірмы. Аднак беларускі бок падкрэсьлівае, што жадаючых ёсьць больш.

Віцэ-старшыня Варшаўскай біржы каштоўных папераў Бэата Яраш адзначыла, што Варшава зьяўляецца найлепшым месцам для акцыянэрных таварыстваў з гэтага рэгіёну. Аднак пры гэтым яна адзначыла, што гэта павінны быць якасныя прапановы.

“На рынку цяжкая сытуацыя, аднак якасныя праекты з добрай пэрспэктывай прадаюцца”, - сказала Польскаму радыё Бэата Яраш.

ав