Расьце колькасьць платных дарог у Польшчы

Амаль на 140 кілямэтраў павялічыцца сетка платных дарог у Польшчы. Зь сёньняшняга дня „ViaToll” - сыстэма аплаты за аўтастрады, пачне дзейнічаць на некаторых адрэзках аўтастрады A1, у прыватнасьці паміж Стрыковам і Катліскамі, а таксама на некалькіх адрэзках хуткасных трасаў S1 і S8. Сыстэмай „ViaToll” карыстаюцца пераважна грузавікі.

Прадстаўнікі „ViaToll” пераконваюць, што сыстэма прыносіць значныя прыбыткі. У сьнежні на рахунак Нацыянальнага дарожнага фонду было пералічана больш чым 1 мільярд 200 мільёнаў злотых за карыстаньне польскімі аўтастрадамі.

У сакавіку бягучага года колькасьць дарогаў, ахопленых сыстэмай аплятаў павялічыцца на больш чым 160 кілямэтраў. Канчаткова „ViaToll” ахопіць больш за 7 тысячаў кілямэтраў аўтамагістраляў, хуткасных і нацыянальных дарог у Польшчы.

аз