PO падсумоўвае 5 гадоў улады

„Палякі хацелі нармальнага жыцьця й таму яны прагаласавалі за Грамадзянскую плятформу, - заявіў прэм'ер-міністар Польшчы Дональд Туск падчас сустрэчы Рэспубліканскай рады партыі. На сёньняшнім паседжаньні кіруючая партыя падсумоўвала сваё пяцігадовае кіраваньне краінай i абмяркоўвала пляны на бліжэйшыя тры гады.

Сёньня пачынаецца інфармацыйная кампанія - падсумаваньне 5 гадоў улады ўраду Дональда Туска. Дэпутаты й сэнатары ад Грамадзянскай плятформы паедуць у Польшчу, каб паведамляць пра дасягненьні ўрада, а таксама сустракацца зь людзьмі.

„Перад намі шмат сустрэчаў. Мы хочам гасьціць у кожнай гміне,” – падкрэсьліваюць палітыкі. Разам з сабой у падарожжа яны забіраюць брашуру пад загалоўкам: „Пяць гадоў стабільнага разьвіцьця. Грамадзянская плятформа 2007-2012 гады”.

аз